罪大滔天!希特拉都買唔到 PS VR、Ps4 Pro?!
Articles Blog

罪大滔天!希特拉都買唔到 PS VR、Ps4 Pro?!

August 21, 2019


喺2014年嘅某某遊戲展 著名遊戲主機製造商「罪大滔天」 公佈佢哋將會著手研究 一款用於旗下遊戲主機嘅 虛擬現實VR眼罩 消息一公佈,震撼全球! 2016年 「罪大滔天」公司正式公佈 旗下嘅VR眼罩 將會喺同年嘅10月13號正式發售 我哋呢條片就簡單啲叫佢做VR啦 同期公佈一部升級版嘅遊戲主機 不過同傳聞中唔同 佢唔係叫5 又唔係叫NEO 佢叫Pro機 作為一個追上潮流嘅遊戲人 當「罪大滔天」公司 公佈VR嘅時候 我心情真係為之一振㗎 你睇下佢 無論玩恐怖game又好 玩賽車game又好 攞嚟睇片又好 對於我呢啲足不出戶 三步不出閨房嘅小毒毒嚟講 簡直係極致級享受啊 而且價錢又唔係貴 賣3180 當然心郁郁想買晒VR同Pro機返歸啦 過幾日仲見到 「罪大滔天」公司個page 話香港有得訂Pro同VR 嘩哈哈 呢鑊正啦 諗起聖誕嗰陣 聖誕假嗰陣 日日留喺屋企 笠住個頭殼打機你都咪話唔興奮 真係諗起都扯扯地 扯扯地火呀! 扯火呀! 係扯火呀!! 當我滿心歡喜咁click入去「罪大滔天」個官網 諗住訂Pro同VR嘅嘅時候 一click入去我見到啲咩呀? 一click入去佢竟然 嘩,你老板丫竟然無貨 好咁我第一水貨買唔到咪買第二水貨囉 我等得嘅有乜所謂先 結果一路等一路等一路等 等到我今日做呢條片嘅時候 2017年呀 唔好話聖誕乜乜物物 農曆新年都過埋啦 「罪大滔天」依然係無大貨返嚟買 而pro同VR 就比炒家炒到勁過太古城啲樓 當你係google找尋引擎打pro機同VR嘅時候 搵到價格將會令大家目定口呆 為咗唔好令大家睇到個價錢心臟病發 跟住我比人告謀殺 我乾脆搵啲比較無炒得咁勁嘅俾大家睇下就算啦 其實VR唔係全球都無貨㗎 係唯獨是香港同台灣嘅貨少到可憐 你睇下外國 人哋感恩節嗰陣大把現貨賣架 多到賣唔晒咁濟 我真係唔知點解香港同台灣啲貨點解會搞成咁 「罪大滔天」 再唔係你攞外國版貨 拆咗個盒換個港版盒咪即刻有貨賣囉 呢家益晒啲炒家,有乜謂呢? 咁啱就畀我搵到個姓希嘅仁兄 不如等佢同我哋分享下 佢去買機嘅感受 同時,「罪大滔天」個facebook 一出post就比網民圍插 其實個page個admin我真係戥佢慘 事關貨賣賣幾多 又係「罪大滔天」市場營銷部決定嘅 點樣賣,又係佢老頂決定嘅 真係唔關個admin事 但佢就鑊鑊都要處理 因為第二個部門營銷策略嘅錯誤 而引致嘅公關危機 同後續品牌形象管理嘅問題 係度 真係要比啲掌聲「罪大滔天」個facebook admin 咁喺最後呢 我只係想講一句 唔好炒啦 我想打機啫

Leave a Reply

Your email address will not be published. Required fields are marked *